بالصور فضيحه اداريه للاسماعيلى : ابو السعود وعواد يتبادلان الاتهامات فى قضية بيع عواد للزمالك على ( الفيس بوك )

فى واقعه عجيبه وغير مسبوقه ولا تحدث فى مراكز الشباب تبادل الثنائى رئيس الاسماعيلى العميد محمد ابو السعود والحارس محمد عواد الاتهامات حول قضية رحيله وتوقيعه للزمالك على صفحات الفيس بوك ليثبت صحة وجهة النظر القائله ان الاسماعيلى بات يدار حاليا من على ( الفيس بوك )

حالة الترهل والفشل الادارى وصلت الى منتهاها فى قضية محمد عواد وكان من الافضل الاعلان عن بيع الحارس بأسلوب محترم بدلا من اللف والدوران وما حدث من امور تقلل من قيمة النادى الاسماعيلى التى اصبحت فى الارض بسبب التصرفات الغير مسئوله من داخل النادى .

ابو السعود بدأ عتابه لعواد على الفيس بوك فقال

{jb_greenbox}رقم 1 : هل تنكر اننى اتصلت بك وسألت وقولتلك شد حيلك يا محمد ويجب انا يكون لك دور في حراسه مرمى النادى الاسماعيلي ولو طلبت منى اى شئ سوف البيه لك ان شاء الله اكون سبب في وصولك للمنتخب وبدأت ارسل لك من مستحقاتك مبالغ ماليه وقولت لك عندما اجد انك بقيت في الملعب سأعطيك كل شئ
رقم2:هل تنكر اننى بادرت بالاتصال بك فورا عندما علمت انك اصبت في التمرين بخلع في كتفك اننى ارسلتك للقاهره للعلاج عند احسن دكتور بمصر للعلاج او للتجهيز ولم اقصر في استضافتك دون اى تردد على نفقتى الشخصيه اقتناعا بقدراتك وحتى اعيدك للملاعب واستمريت في متابعتك حتى تم شفائك وعودتك للملعب وكيف كانت اتصالاتى اليوميه ليل نهار بك للاطمئنان عليك
رقم3:هل يمكن ان توضح لجماهير الاسماعيليه كيف قاتلت من اجلك لتدخل الملعب حتى انى فقدت صبحى لاشراكك وعدم اخراجك من الملعب بدون سبب طالما لا تخطئ
رقم4:هل تنكر اننى استجبت لكل طلباتك الماديه عندما كنت تتصل بي فورا
رقم5:هل تنكر انك وسطت الكابتن عيد فرج من شهر لطلب 50 الف جنيه من وراء كل زمايلك فسلمتك المبلغ واضطريت بصرف مبلغ مماثل لكل الاعبين حتى لا يعلم احد اننى بديتك عنهم وانك لم تطالب باى مبالغ الا بعد العيد
رقم6:هل تنكر اننى ارسلت لك الكابتن عيد فرج والكابتن سيد سيكا اللى منزلك سرا وطلبت منك ان ترفض تماما عرض نادى الزمالك وساعطيك اى مبلغ تطلبه ولا تخف على مستقبلك وهل تنكر انك وعدتنى بذلك وطلبت ان تزورنى في منزلى وتحدد طلباتك وقولت لك سأنفذها لك بالكامل
رقم7:هل تنكر انك قد حضرت الى بصحبه الكابتن سيد سيكا وحددت مطالبك بانك عايز 50 الف جنيه في خلال 15 يوم قبل العيد وعايز شقه ايجار تسكن فيها لحين بناء منزل من مستحقاتك لاسرتك وهل تنكر اننى قولت لك يامحمد كل الناس قالولى انك بتضيع فلوسك على العزومات واللبس وعلى اصحابك واننى قولت لك ليه يابنى تعمل كدا انت لسه صغير وانا اعتبرك احد اولادى وبنصحك تحافظ على فلوسك واذا كان كل همك اهلك فهذا احساس رائع سأساعدك فيه واستجبت لطلباتك فورا واعطيتك 20 الف جنيه وقولت لك حافظ على فلوسك وساعطيك مبلغ 30 الف جنيه قبل العيد تعطيهم لاهلك وسارسل لك فورا وباكر محامى ومهندس لاستخراج تصاريح البناء للمنزل الذى تطلبه لاهلك وسأدفع له كامل التكلفه في حدود 400 الف جنيه ويتبقى لك من مستحقاتك هذا العام 70 الف جنيه قبل بدايه الموسم الجديد ستكون قد استلمتهم وجميع مبالغ عقدك العام القادم ستحصل عليها مقسمه على عدد شهور السنه الم يكن هذا هو اتفاقنا وقد شرعت انا في تنفيذه تانى يوم وصرفت لك فورا المبلغ الذى وعدتك به وارسلت معك احد سيكرتاريه مكتبي الخاص وذهبتم للمعاينه الشقه وقولت حلوة وعايز اسكن فيها دلوقتى وقولت لك لكن ساقوم بدفع الايجار غدا لانى كنت بالقاهره وقولت لى سادفع انا من ال20 الف اللى استلمتهم اليوم واستبدلهم منك باكر وبعدها اتصلت بى وقولت ان الشقه غير مناسبه وعايز اغيرها وقلتلك نقي اى شقه تانيه وانا هادفع ايجارها
رقم 8:وهل تنكر ياابنى اننى اتصلت بك وقولت لك اعذرنى يامحمد فانا ارسلت لك محمد الشريف لتخليص جميع معاملات الشقه والكابتن سيد سيكا لتخليص جميع معاملات المنزل وطلبت منك انك توصله بوالدك لانهاء كل الاجرائات وتركز وقتك لنفسك والملعب واننى ساتكفل يكل مصاريف بناء المنزل حتى احميك من صرف فلوسك في الهوا مثلما فعلت في 20 الف جنيه بان اقمت حفلة افطار شهيه تمتع بها اصحابك عشان انت قررت ترك النادى الاسماعيلي وهل تنكر اننى قولت لك اننى ساكون مشغول بعد ذلك لمده 5 ايام في عملى وسيكون التليفون مغلق فتواصل مع محمد الشريف وسيد سيكا لانهاء باقى ما اتفقنا عليه فلماذا ياابنى تعاقبنى ان كان تليفونى مغلق لمده يومين خصصتهم لعملى وقد اعلمتك بذلك ثم تختفى وعلمت من موقع الزملكاويه بعد ذلك انك تواجدت في القاهره واستلمت بالفعل مقدم عقود وقعتها بالفعل واجتمعت بالمستشار مرتضى ووقعت على عقود الانضمام لنادى الزمالك فاتصلت بك لمده 3 ايام على الخط المخصص للاتصال بينى وبينك فقط ولا يعلمه احد ولكنك اغلقته متعمدا وفي احد المرات فتحت صدفه لتشاهد من اتصل بك وقتها اتصل عليك بالصدفه الكابتن سيد سيكا فاغلقت الموبايل فورا
يامحمد ياينى لقد قصدت ان يكون مادار بينى وبينك طوال الفتره السابقه واضحا امام الجماهير واذا كنت تنكر اى كلمه فيه احضر بعض اعضاء الجماهير وتعالى انكر قدامى لانى ساحضر الشهود على كل ماقولته وكل ما اتفقنا عليه
ياابنى انا قد اتطلعت على ماكتبته وخوفك من العقاب سابلغك امام الجماهير اننى امنحك الفرصه لمده 3 ايام لتعود الى رشدك وتلتزم امام الجماهير بان تغلق الصفحه الماضيه التى اعلم مافعلته فيها وفي الايام الاخيره بالذات من جرم في حق بلدك والنادى الذى رباك واذا تماديت في الخداع فاننى ساعلن للجماهير ما اخفيته انت عنهم وماتحاول ان تنفيه لاننى اعلم تماما ما دار بينك وبين مسؤلى الزمالك في ال3 ايام التى اختفيت فيهم واعلم مبلغ الشيكات التى معك والمبلغ الكاش الذي صرفته بعدها فعلا ساكون في حل من كل وعودى لك وساقف ضددك بمنتهى القوه وانا لست الان اتكلم معك من موقع مسؤليتى امام جماهير النادى الاسماعيلي ولكن اتكلم معاك بصفه اب واذا كان قد قيل لك من اى احد ان اتفاقي مع السيد المستشار مرتضى ملزما لى وللنادى فهو وانت واهمون لان الورقه الوحيده التى تلزم النادى بالاستغناء عنك هى الاستغناء الموقع والمختوم على اوراق اتحاد الكره ويكون اول بند فيه بناء على قرار مجلس الاداره رقم بتاريخ وهو مالم يحدث ولن يحدث بعدها صدقنى ساكون قاسيا عليك ومافعلته سيكون سبب في ايقافك مدى الحياه ولن يفيدك بعد ذلك اى مخلوق على وجهه الارض مهما كانت قوه من ستحتمى فيهم هذا رأئي اوضحه لك امام الجماهير عد يامحمد الى رشدك ستجدنى ابا لك واذا تماديت في غييك فواجه كل ماسيحدث لك وصدقنى موقفك ضعيف جدا انت ومن يحرضك واذا كنت لاتعرف مدى عنادى وحرصى على الكيان الذى اترأسه فستعرفه حتما اذا لم تعد الى رشدك (وانا هنا اخاطب جماهير الاسماعيليه واعلن لها اننى عندما وقعت الورقه لنادى الزمالك كنت اعلم جيدا انها العدم سواء وكان مقصدى الحصول على بعض اللاعبين من نادى الزمالك فقط واعلم الجميع ايضا اننى ماكنت اتوقع ان اضطر لتوضيح سبب توقيعى لهذه الورقه لان هذا التوضيح سيعطى الفرصه لمن يتربصون بالنادى لضرر النادى ولكن الايام بيننا ولن يتمكن احد مم الاضرار بالنادى الاسماعيلي وعلى رأسه انسان تربى بداخله والله من وراء القصد){/jb_greenbox}

وكان رد محمد عواد الصادم على الفيس بوك ايضا

{jb_greenbox}صباح الخير على الجميع، لا يا حاج لا أنكر اتصالك بى بس علشان صبحى كان طلب فلوسه القديمة وأنت مش عاوز تديها له فقلت تضربنا ببعض، وأنا بلعب فى المنتخب من قبل وجود مجلسك، وعلى فكرة أنت كنت قاعد مع ناس فى مكتبك فى القاهرة بعد رجوعك من الإمارات وقلت ده “خرم”، وأنا اللى خليت شوقى يأخذه المنتخب علشان أبيعه بأعلى سعر، ومبروك ع الزمالك يشربه، أما عن خلع كتفى فأنا لاعب محترف فى النادى لازم تعالجنى ده مش فضل من حد ده حقى، إما على نفقتك أو النادى أنت بعت لى حسين ابنك مضيت على تنازلى عن الفلوس دى من مستحقاتى بعدها، وبعدين أنت فقدت صبحى بمزاجك وأنت اللى قلت لى كده إنك مش عاوزه فى النادى بسبب فلوسه الكتير، والله عمرى ما كلمتك على فلوس غير الخمسين ألف من كابتن عيد وعشرين يوم فرح أخويا، وبتبقى لى ٨٣٠ ألف جنيه، وبعدين أنت السبب فى أنى أكلمك من ورا زمايلى لأنك بتعمل كده مع كل الفريق اللى يكلمك ياخد فلوس، واللى ميكلمكش ميشمش جنيه، بدليل إن محمود عبدالعزيز شايل الفريق هو والسولية، ومخدوش ٢٥٪ من فلوسهم عكس لاعبين حبايبك جبتهم ومعملوش حاجة وأخدوا ٩٠٪ من فلوسهم أو أكتر، أما عرض الزمالك أنت اللى قلت لى أطلع قول إنك عاوز تروح الزمالك وأنك عاوز فلوسك منى، وأنا مش معايا وجت البيت عندك وكانت مشكلتك كلها إنك تخلينى أطلعك أودام الجمهور مش عاوز تبعنى، وإنك هتدينى فلوسى وشقة إيجار وفعلا إديتنى ٢٠ ألف من أصل ٥٠ طلبتهم، وفضحتنى بيهم فى البلد كلها وهما من عقدى أساسا وبعدين روحت الشقة قفلت تليفونك أنت، واللى شغال معاك وخلتنى أدفع إيجار الشفة من جيبى وموضوع البيت محصلش حاجة خالص عكس اتفاقنا ومحدش راح بيت أهلى، ولا كلم أبويا مع العلم إنك عارف بيتى فين زى ما بعت لى ماس هناك يعنى لو عاوز تنفذ كنت نفذت، وبردوا لو كان حصل من فلوسى عقدى مش منك يعنى منفذتش ولا حاجة من اتفاقنا موضوع قفل تليفونى أنا فى أجازة هفتحه ليه، وأنا موجود لو عاوز تجبنى هتجننى فى إسماعيلية كل يوم وأنا ممضتش على حاجة، وأتحدى أى حد أنا بس روحت علشان أتأكد من كلام المواقع، إنك ماضى عقد بيعى وروحت شفته بنفسى وهو عقد بيع مش أولوية زى ما قلت يعنى أنت بعتنى، وأنا شفت ده بعينى وكمان زعلان إنى قفلت التليفون ومش برد عليك أومال أنا أعمل إيه لما شفت عقد بيعى بنفسى، وأنت ماضى عليه من شهرين وعلى فكرة أنا قعدت مع الجمهور وحكيت لهم، ولسه أنا مقلتش كل حاجة، للأسف أنت بعتنى ومضيت على كده عاوزنى أعمل إيه، وكمان كل ما تكلم حد تقول أنا هبطله كورة، وهجيب جونين، طيب ما كنت تدينى فلوسى أنا وصبحى ولا أنت عاوز تعمل معايا زى ما عملت مع صبحى وخيرى وعمر وكل واحد بيقولك عاوز حقى بتعمل كده معاه، حرام عليكم أنا مش أدك أنا كان نفسى أكمل فى النادى بتاعى لولا شفت العقد بعينى وكلام المستشار معايا إنك قلت له بعد ما أنا طلعت مع كريم، وأنا مالى أنا بعت لك أقنع أنت الواد وأنا موافق وماضى طيب أنا أتصرف إزاى الإسماعيلى باعنى والزمالك لو رفضته هضيع وأنا مش لاقى آكل ولا عملت حاجة، لأهلى طيب بلاش لو أنا ابنك هاعمل إيه. نهاية الكلام يا حاج أنت السبب فى اللى حصل لو تعرف ترجعنى زى ما بعتنى رجعنى أنا كان نفسى أكمل فى بيتى، ومنه لله اللى كان السبب فى بيعى”.{/jb_greenbox}