
كما عودكم دائما موقع elismaily.com بتغطياته المميزه وحواراته الممتعه والمستمره دائما مع نجوم الدراويش والتواصل معهم دائما واليوم الحوار سيتم مع اللاعب نور مكى اللاعب الصاعد الواعد والذى لمع اسمه فى هذه الاونه الخيره والذى فتح قلبه ل elismaily.com اكثر من مره فسيوضح اشياء كثيره وسوف يقوم بالتعريف عن نفسه وكل شىء ستعرفونه عن اللاعب من خلال هذا الحوار الشيق فاليكم الحوار::
#فى البدايه قم بالتعريف عن نفسك لجمهور الاسماعيلى
الاسم:محمد محمد نور مكى
السن:19 سنه
تاريخ الميلاد:20/5/1992
الطول:181 سم
الوزن:75
#اين ولدت؟ واين كان منشأك؟
انا ولدت بالاسماعيليه بحى الشيخ زايد وولدت فى اسره تعشق الاسماعيلى فطبيعى انا ابن الاسماعيليه والاسماعيلى منذ صغرى.
#متى بدات مشوارك الكروىفى الاسماعيلى؟
بدات منذ سن السابعه فى نادى الاسماعيلى فى اختبارات على يد الكابتن اسماعيل حفنى والحمد لله ربنا وفقنى وبقيت لاعب فى الاسماعيلى النادى العريق.
#ما هو مركزك؟
انا فرود راس حربه صريح ولكنى اجيد اللعب فى اى منطقه اماميه.
#ما المدربين الذين تدين لهم بالفضل بعد الله سبحانه وتعالى فى اكتشافك ؟
احمد قناوى وايهاب جلال واشرف خضر.
#ما المدرب الذى تعتبره الاب الروحى لك؟
عاطف عبدالعزيز وكرم جابر.
#من اول مدرب قام بتصعيدك للفريق الاول؟
الكابتن عماد سليمان فى نهائى الموسم مع الاهلى انى اتذكر جيدا هذا اليوم.
#ما هى انجازاتك مع ناشئين الدراويش؟
فزنا ببطولات عديده فى دورى المنطقه ومركز ثانى وثالث جمهوريه.
#ما مدى عشقق للدراويش؟
اكيد طبعا بحب الاسماعيلى من صغرى وغير كده نشات فى اسره عاشقه للنادى الاسماعيلى غير الايام اللى عشتها مع الاسماعيلى سواء حلوه او غير ذلك وطبعا كل ده يخليك نفسك تعمل حاجه للاسماعيلى.
#كابتن نور بكل صراحه كل لاعب فى الاسماعيلى بيطلع يقول الكلام اللى انت قولته ونلاقيه فى نادى تانى الموسم اللى بعده ما تعليقك على هذا الكلام؟
بالتاكيد اللعيبه اللى مشيت دى مش من ابناء الاسماعيليه ومعاشوش ايام الحب مع الاسماعيلى وميعرفوش يعنى ايه الاسماعيلى وبالتاكيد هما ناكرين للفريق اللى صنع نجوميتهم وانا بالتاكيد ابن الاسماعيليه وبعشق الاسماعيلى ونفسى اعمل حاجه لجمهور الدراويش الجبار.
#لو اتاك عرض من النادى الاهلى او الزمالك ماذا سيكون رد فعلك بصراحه؟
بص انا بحب النادى الاسماعيلى وانا شوفت ايام تخلى اى واحد يكره النادى لكن مش للدرجه اللى تخلينى اسيبه انا لست ناكر للجميل.
#ما اللاعبين المقربين اليك فى النادى الاسماعيلى سواء من ناشئين او الفريق الاول؟
.محمد ابو المجد وجمال حسنين من الناشئين وحمص وشادى وريشه من الفريق الاول
#ما اللاعب الذى تتمنى ان تلعب بجواره فى الفريق الاول للنادى الاسماعيلى؟
اتمنى ان العب انا وريشه فى الهجوم وتحتنا عمر جمال والسعيد حمص.
#ما اللاعب المفضل لديك فى مصر خارج الاسماعيلى وتتمنى ان تلعب بجواره؟
ميدو وذكى.
#ما الموقع الاسمعلاوى الذى تفتحه باستمرار؟
اكيد موقع الاسماعيلى دوت كوم لانه الموقع الرسمى للنادى وبعض المواقع الاخرى لكن خصوصا الاسماعيلى دوت كوم .
#ما هى امالك وطموحاتك مع الفريق؟
نفسى افرح جمهور الاسماعيلى اللى نفسهم فى بطوله واكيد طبعا اى واحد نفسه يعمل حاجه للنادى والجمهور الجامد ده.
#كلمه لجمهور الاسماعيلى
اتمنى ان يساندوا الفريق بكل روحهم ولا يهاجموا اللاعبين الذين يعشقون النادى ويتمنون بطوله له واتمنى ان العب فى الاسماعيلى مدى الحياه.